إبداعات

متهزنيش

شعر – عبداللطيف مبارك، مصر:

متهزنيش

رُطبى خلاص مبقاش لُه طعم

جَردت ريح المسافه.. والمطر

وقت إشتهائى

أبعد وألاقى

نُصى لسّاه م أرتوى

لسه إللى باقى

من عيونك

من شفايفك

ملمحك
قَدِك ف توب السيسبان

أخرج من الجنه الفراغ

قبل الأوان

أخرج ف توب الديدبان

حارس لحلمى المُنتهى

يا كلمتين يتنططوا جوّه الحشا

واخدين حرامك ف الحلال

أجوبه عاوزه السؤال

متهزنيش

رطبى خلاص مبقاش لُه طعم

فالحلم لسّه نزيف على جبين الشوارع

مرقدى

بين اللهيب راميه القبيله جتتى

لمّا نويت آخد رقاب كل الصنم

مكنتش بارده النار على صهد القدم

صوتى إللى شاع سر الملك

بين الرعيّه الطيبين

صوتى الحزين

ينده لتوب الحق

لجل يكفنه

م ت ه ز ن ي ش

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق