شعر- عبد اللطيف مبارك:
حلمتلك الأرض اللى نابته بالبطوله
إنك تعيش
على عشق طارح بالرجولة
م بين غيطان الشمس
فارد لها دراعك
مسبحة درويش
مسامح كل من باعك
مضفر حلمك المسلوب
على تراب السفر
تراتيل
مشقشق فى الليالى الكرب
من ضىّالقمر قناديل
يدوبك م انشغلت القلب
تندهلك
عذاباتك
***
خصمت الفجر ان فاتك
صلاة تراويح
كتمت الآهه ف جنابك
شدا وتفارح
وضميت العلم مصرى
كإن الحزن ف عروقك
بدمع الأرض كان .. يسرى
طويت الأصل والصورة
وعديت القنال
فارس على أرضك
ومتواعدك
على الضفة العطش فى الحلق
يخايلك سراب لكن
عيون الحزن ما بترق
ياكلمة حق طللالك
على تلالك
فى كل مدق
زكايب فرحك المدفون بتندهلك
أمل أهلك
خلاصة حب متباعلك
ف كل رصاصة تبعتها
وتتبعها
غناوى الصدق
