إبداعات

البوم الذكريات

كلمات- زينب سالم:
يوم ما مسكت ألبوم الصور
قلبي انخطف دقاته قالت
غيوم ضلمت و هموم السهر
عقلي سألني هفواته مالت
ليه سكن جوايا الكلام
ليه عقلي انشغل و قام
جوايا مشاعر ما تنام
حتى الفكر جوايا هام
ما انكرش مش عايزه اشوفه
ما نزلش من قلبي رغم خوفه
مسكت بصوابعي صورة و كأني
فتحت تاني الماضي و جوفه
عيوني شافت من تاني عيونه
خيوط بتبدأ تشد حكاوي ظنونه
صور بتحكي و ذكريات بتوجعني
ماضي و دموع بيفكرني بجنونه
ليه ما رميت كل الذكريات
ألبوم شايل جواه كل اللي فات
لازم اعرف ان الماضي مات
لازم أمسح بإيدي كل الحكايات

مقالات ذات صلة

زر الذهاب إلى الأعلى