إبداعات

رمضان جالك

الشاعر- محمود الونش:

رمضان جالك

طيب اوعى يفوتك

مهما الدنيا هتحلالك

مش احلا من رضا ربك

رضا ربك اوعى يفوتك

 اوعاك تاخدك الدنيا ومشاغلها

وتنسي اصل وجودك ع الدنيا

وانت ليه جايلها

لو كنت مش عارف

فاللى ما يعرفش ياولدى

اصل وجوده على الدنيا

 زى جاهلها

الدنيا دى فانيه

واللى خلقها قادر فى ثانيه .. يبدلها

اصل ووجودك

هو عبادة

الا صلاتك اصل صلاتك

هى صلااتك

 وسر السعادة

ابداء يومك بالنية وبالصوم

ورمضان بيجى فى السنة مرة

يادوب ٣٠ يوم

اكسبهم بالمرة

املاهم ذكر وتسابيح

وصلاة عالنبى وياه مديح

ومتنساش قيامك وياه التراويح

وزكاة الفطر بند صريح

ترفع ليك الصوم

تلقى ذنوبك طارت وياه الريح

وكأنك مولود اول يوم

واشوفك فى صلاة العيد

 وش منور وقلب سعيد

وان عيشنا ورمضان عدى

وجانا رمضان تانى

راح اقلك رمضان جالك

اوعى يفوتك

مهما الدنيا هتحلالك

رضا ربك احلا اوعى يفوتك

مقالات ذات صلة

شاهد أيضاً
إغلاق
زر الذهاب إلى الأعلى