إبداعات

الماسك الحديد

:شعر- علاء شل
اول العمر النهارده
ابتدا عهدي السعيد
ها العن الطيبه اللي فيا
والبس الماسك الحديد
مش ها افرق ف العواطف
للي احساسهم جليد
مش ها احب الحب تاني
وابقا من ضمن العبيد
نفسي ف العمر اللي باقي
اعتزل وأبعد بعيد
لو لمره اكون اناني
وأني اعيش فظ وعنيد
بس وبرغم الوعيد
عندي شوق عمال يزيد
كل لحظه يقولي اجمد
قوم وحاول من جديد
انت سلطان بالطيابه
يعني وسط الخلق سيد
انت بالأخلاق تسيد
مش ها تهرب من جيانتك
اصل قلبك مش شديد
افضل اتمسك بطيبتك
لو نجاحك مش اكيد
لو ها تحزن طول حياتك
جوا قبرك تلقا عيد

مقالات ذات صلة

زر الذهاب إلى الأعلى