شعر – آمال بسيوني:
صباح الخير
أنا .. وأعوذ بالله من الأنا
لا أنا شيطان ولا ملك
ولا مهنتي أغزل شبك
وأحسبها كام واحد هلك ومين سلك
بسامح مين في حقي عك
واللي غاويلي فرك لك
بساعده لو يوم إتوعك
يعني وبإختصار بقة
علشان نلم البهوقة
ماليش في شغل الدلدقة
أنا إمرأة
أنا من ميلاد برج الأسد
إن جاني ريح م الباب أسده
وأي فار عنتوظ أهده
بحب ضعفي للحبيب
وأغير عليه
وأحب غيرته تبقى ناااار
لكن بحكمة وإقتدار
لا يخلط الجد بهزار
ولا يبقى معدوم الثقة
أنا بعترف
ودة للأسف
ساعات بسيئ الإختيار
لكن بيبقى دة إختبار
وبسرعة أخف
