شعر- سوسن رمضان:
والدمعة متحجرة
يا قلبي جوه عنيك
بقت الحياه صغيره
ضاقت بقسوه عليك
وقصيرة جدا مهما تمد .. أيديك
واصل بحلمك للسما
طب فين غارز رجليك ؟؟
عيني يا قلبي عليك !!
***
عايش سنين مهزوم
نايم علي سيفك
بتهل ريحة الفل
لما يفوت طيفك
لا قبلت عيشة الذل
ولاعشت علي كيفك
***
سابقة الخطاوي سكته
فارقة المعاني ف كلمته
وبدمه كاتب غنوته
ولا عتمه قادره تسكته
ولا أنحنى لمخلوق
ولا قال لكلب يا سيد
قفلت على ضحكته
شبابيك ولسه عنيد
كان حلمه يرجع من زمااااان بالعيد
فتحت بيبان الجنة من بدري
واتسمي فيها شهيد
