إبداعات

نسيتني طب نساك الموت

شعر- وفاء بغدادي:
نسيتني طب نساك الموت
وعدى فوق جراحى وفوت
وابنى من آلامى آلام
و ازرع من حروفى سكوت
وانا لو لفت الايام
هأقولك عندي لسة كلام
بحبك آه
بحبك موت
نستنى طب نساك الموت
هأقول لك قلبي مش قاسى
ولا زيك ف يوم ناسي
أكيد دقاته بتقاسي
عشان الضربة من فاسي
وبيطمنى ان إنت
نسيتنى.. آه صحيح جايز
لكن ملقتش إحساسي
وانا بعدك باموت فيك
بطلقة صوت
نسيتنى طب نساك الموت
ولو مرة ف يوم عديت
بدالى تلقى حزن البيت
أنا صدقنى هابقى مشيت
هتلقي كتابه علشانك
وضحكة ميته ع الرف
وقلب كبير عليه يافطة
يقولوا الناس عليه بفته
وعاش ع الطرف
يحبك بس يا خسارة
حبك اتمنع م الصرف
وساب لك ذكرى هى القوت
منين ما تعدي
هتلآقى
بحبك موت
نستنى طب نساك الموت

مقالات ذات صلة

شاهد أيضاً

إغلاق
إغلاق