إبداعات

ضحكة حزين

شعر – عبد اللطيف مبارك، مصر:

عصافير ف زنزانه
بتنقر فى جدار خرسان
لا طايله طاقة نور
ولا … دمعها ب يبان

(2)

أبله فضيله
حدوتة الفقير …. والأميره
وقصر عالى بالحرس
طب فين أنا المقتول
على بابه

(3)

متقسميش قلبينا
خليهم كدا …. واحد

(4)

غلطان يا صاحبى
هما الصحاب بيفارقوا بعض بموته واحده …!
خليك فاكرها

(5)

انصفوا ضحكة حزين

(6)

صاحى
وبحلمك
ليه م ادتيش قلبى ال … غوايه

(7)

نصيبك منى
نبضتين احزان

(8)

ف الغردقه
هاتولى مصر تعيش معايا جمعتين
تنسى الشقى
وتعزى من ماتوا ف سنين
ف الغردقه
الحلم اصبح بين ايديك
بحر
و
قصيده

(9)

كل اما آجى ااقولها
بيجف ريقى
يمكن
يكون بكره

(10)

سر موج البحر منك
رجرجه

(11)

احلفولها
انى اللى مت ف 100 مظاهره
بطلق نارى
وده كان قرارى
م اعيشلهاش زفتها غصب

(12)

على كل سجن ويافطته
كان دمها
على كل شارع والرصيف
كان شئ مخيف
انك ….
تبادلينى الغرام

(13)

ومتسكنيش البحر من تانى
ملح دمعى بيختلط

(14)

حد قال للبحر حاجه
اتحققت… ؟
لميت قواقع شط روحى
همستها
كان ردها
صدعتنى
ورموش حبيبتك يا جدع
مبقتش لك

(15)

ولا تفتح بيبان القلب ع الآخر
خطو السعاده بينكتب
للموعودين

(16)

سلفنى ابتسامه

(17)

لملموا الحزن اللى عتق
جوه منا سنين كتيره
بكره نمشى وييجى غيرنا
نبقى سيره
يا مداين فجر لينا أذنت
لو معشتوش النهارده بحلمكم
موتوا اوفر …. للحياه

(18)

تااااااانى
بتهزى شجرة خريف
ونيلك تحتها
وااااطى

(19)

يااااااهرم
لو كنت عالى لفوق
ف احنا اللى تحتك
عدم

(20)

لما نبشوا القبر
كان فيه …. جمجمه
وراس …. نعامه

(21)

النيل روانى …. وانتشيت
غزل المحبه ع الضفاف
الراجل المحنى ..وعود
لن كنت باجرى … موش بخاف
لكنى وقت الخوف
ب اعود

مقالات ذات صلة

شاهد أيضاً

إغلاق
إغلاق