شعر- دينا لطفي:
عنيك عاشقة
بتتلون بلون عشقي
وتتشكل قصاد مني
جناين فيها أجمل ورد
ولو بالفرض عنيك سنه
ف يوم أو فرض
فأنا إتعوت علي فكرة
أقيم فيهم صلاواتي
وأزهد كل شيء علي الأرض
عنيك أنشودة بغازلها
وحاله عشق بغزلها
وبنسج فيها أشعاري وأضفرها
ف قصايد نثر
عنيك جنه ومالهاش
حصر
قصيدة شعر مسبوكه ومحبوكه
بدون هنه بدون ولا كسر
عنيك بصتها عفوية
بكل براءه
بتسابق لسان قلبي
فتبدر شهد إحساسها
بكل هدوء
ومين هيفوق وإنت عنيك
خناجر شوق بتطعن كل يوم
فيا فقولي إزاي هخف
وأروق
عنيك ضحكه في أجمل
صمت
وصبح بدندنات طازة
ومسقي حنان وحب جديد
عينيك مواعيد وفرح وعيد
وخمره شعر مفعولها
في كل لقاء مابنا يزيد
عنيك بوسه وبتودي لساحه
بعيدة م التوهان
عنيك حضن ودفا وحنان
وأم وأب بحموني منين
ما بروح في أي مكان
وفين ماتكون ‘ عنيك أخر ولاد
في الكون
بترعي بحب وبتحرس
بيوت الشعر وكلامها
عينيك كلمة كتير قالها
عينبك مالها بعاكس فيها
ليل ونهار وبكتب شعر
في جمالها
ومش ذنبي إني حبيتهم
وإن القلب يوميا بيتوضا
بميتهم
وان الروح بتتزمزم
بروحهم / ويا ضحكتهم
عنيك ياحبيبي من الاخر
ماصدقت ان انا
لقيتهم
