إبداعات

بنتي أمي

شعر- مني عبد الرحمن:
مش هاقول ع الأم حاجة
أصلي أم
بس ممكن تبقى أمي هي بنتي
تبقى عيلتي
تبقى للأحلام تضم
تبقى هي الكون بحالة
بنتي أصلا موصوفاله
تعدل المايلة بجمالها
لو حنيني راح وزارها
تحضنه وتعيش وصاله
بنتي دي أصلا حورية
من حوريات السما
كل همسة من عنيها
توصلك متنغمة
ماشية بتفرق عيون
حاضنة بيها الكون بحالة
والصغير والكبير
روحها دايما مفتوحاله
باسطة دايما كف خير
إيد وممدودة بضمير
والقطط والعصافير
راحلهم م الحب جانب
بنتي أصلا طير محارب
أدعوا يالا معايا ياما
ربي يرزقها السلامة
والسعادة تكون طريقها
والهنا يصبح رفيقها
بنتي أصلا.. هي أمي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق