شعر – رضا أنور:
شباك قلبي طالل عالبحر
باعت سلامات
حاضن أحلامه
من أول يوم قولنا منانا
والليل احلامه كات كرهانا
من أول يوم شُفنا صِبانا
طرحت أحلامى شكل مراكب
الشمس تنادى ف اصحلهاقوام
بقوام منحول تعبان هاجر
تبهت احلامى من الألوان
وتضيع الروح.
شباك قلبي طالل عالبحر
باعت سلامات
حاضن احلامه
فارد جناحاته
واهاته مجداف
البحر يزيد م الملح
الساقط من عينى
شارب فنجانه
القهوه المره اللي تفوق
معدتش تروق
واناكل مرفع فنجانها
ستايرها تنزل من فوق
والدنيا تخونى
وعنيها دايما علي فوق
فتقوم جوايا
تبكينى
كل الخرابيش
وتغمز للفرح الممنوع
من طلة شيش
فألاقي جيوبى المخرومه
مفيهاش ولا قرش
من البئشيش
تتسمر رجلياوخطاويا
فلاقي القلب
طالل شباكه
لقلوب اموات
فا نبش بضلوع أيامى
أخليها براح
وقلبي المسكين
احزانه مراكب
