كذبة فالزمن

شعر- هلا إبراهيم، السعودية:

مديت لك يد الوصل وما شوفت منك الا الرحيل

ووهبت لك كل العمر .. لأجل الغلا يبقى معي

ذخرت لك كل العمر .. وأضويت لك ليلً طويل

وفرشت لك ورد الهوى وأرخيت لجلك مسمعي

وفتحت لك بابً هقى .. في مدخلك رد الجميل 

وكان الجميل اني سمعت اسلوب نزّل مدمعي

الحب كذبة فالزمن! .. دوّنها ” القلب العليل”

وما فاق هالقلب العليل ولا فاق حتى هـ الوعي

يا صاح انا جيت أستظل .. أحتاج لي فيًّ ظليل

أحتاج أوقف قوتي .. أحتاج وقفاتك معي

كثر العطا حبًّ بدون حدود .. والهم الثقيل

كوّرتها ما بين يديي وحذفتها بـ أصبعي

هقيت عندك مطلبي .. هقيت ما منك بديل

وباب الهقاوي بقفله ! لأني عرفته موقعي

سلّم على حبًّ مضى .. ما أظن تلقى له مثيل

بيض القلوب الوافية .. بعدي انا تُكتب نعي