إبداعات

تاتوو

شعر – سوسن رمضان: 

أذا كنت عرفت الحب ف مرة
وخانك .. انسااااااااااه
وتعالي اغرق ف حناني
بين أحضاني .. هتلقى حياااااااااه
…..
تراهني باني
راح انقش علي وجدانك كل آمالي
تراهيني باني اكون عنوانك
نور لكيانك
غنوة تدندنها ف روقانك
وأنك بين احضان حكاياتي
هتاخد هدنه ويا زمانك
تتصالح بشويش مع نفسك
والأحلام ترقص وتحسك
يرجع فجرك تشرق شمسك
وارسم من تفاصيلي وروحي
جنة حب عشانك
تراهني ؟
شمس نهارك
بس هتشرق لما افتح لك عنيه
والليالي تبقي وردي
لما تحلم بس بيه
وقلبك الجامد يخونك
وتظبطه فى حالة تلبس
بيغير عليا
والربيع للدنيا يضحك لو ازورك
واني اكون ف العتمة نورك
وابتسامتي للحياه رمز انتصارك
واني اكون ف البعد نارك
مهما تبعد والا تعند مش هتقدر
جاي جاي وب أختيارك
زعلي ولا تقدر عليه
تراهني؟ متخافش راهني
وعشان عنيك الطيبين
المشتاقين .. الحيرانين .. الملهوفين
مش هتفرق مين يا عمري
يبقي كسبان الرهان
أحنا الاتنين كسبانين
بس أنت سلم .. وأفتح بيبانك
وقول أمين ..

الوسوم

مقالات ذات صلة

شاهد أيضاً

إغلاق
إغلاق