إبداعات

كلمة

شعر_عبد اللطيف مبارك. مصر:

حسى بيّه لمّا تتمخض دماغى
وتخُطى آخر نقشه للكلمه إللى ف العنوان
عنوان لشاهد قبر جوّه قرافه مرميه
م أملكش فيه غير زنقتى
والكام قصيده فى حُب الوطن
وغنوه كانت غنوتك
غنوة شجن
حسى بيّه لمّا يشتاقلك خلاصى
قبل م الدود إللى راعى ف جتتى
يخُش جوّه القلب ياكل حته منك
أصلى إنتى ساكناه..
من زمن
أعذرينى..
لمّا مقدرتش أخبيها الإجابه
حين م إنسألت..
لمين هتدى كلمتك
ولا يعرفوش الكلمه ف جبينى.. صلاه
ولايعرفوش الكلمه.. يوهبها الإله
يتخلق منها يسوع
وأتولد.. منك أنا

مقالات ذات صلة

شاهد أيضاً
إغلاق
زر الذهاب إلى الأعلى