كلمات – منى علام:
أنا لما نبضي…رقص
كان سامعك…الغنوة
يعزف صداك البريء
جوه الفؤاد …قوة؛
ألقى السما فيا
بتمطر الأشواق
ياسكة السماوات
طالعة بحضنك…فوق
إنت اللي بحرك… بر
وانا بحري….
مية شوق
إنت الحياة للقلب
ولجرحي انا الترياق
مخلوق كمعنى العجب
مانتش كإنس وجان
ف عيوني كنت الرؤى
وطعام لقلب….جعان
وف لمحتك روحي
وف ريقي… ري حنان
إنت الحياة بتمر؛
تنعش صمام تعبان
ياعم سيبك بقه
من لفتة التعاويذ
مانتش كيوسف -نبي-
لكن حبي…
عزيز
