شعر: دينالطفي
العُيون الحِلوه رِزق ،،
وإنتَ عِينَك حِلوه جداً
مُستَعِده أبُص فيها لحد لمَا الفَجر يِدنْ
هيا فِيها – حِته – حُولَا
مِش مُهم عَادي / عَادي ،،
لَخبَططني بَس بَردك ، قلبي مُغرم بيها رَاضي
إنتَ ياللي مِن دِيسَمبر
خَدّت – قَلبي – مَعاك ياوَرد ،،
إسْتَدفيَ فـ حُضنَك إنتَ ومن يُوميها ماشَفش بَرد ،،
شَاف في قُربَك أحَلي صُحبه
شَاف مَحبه وطَبطَبه
شَاف حَالات مـ الحُب كَامله ،
وعِشق حَد الكهربا ،،
من ( دِيسمبر ) كَاتبه أصلاً
فـ إشتِياقَك البِدع
من دِيسمبر مِحتَويني قَلبَك الشَهْم الجَدع ،،
إنتَ فعلاً حَاجة حِلوه
دِفء قُربَك ، سِر ، فَرحِي
حُبَك الشيء ، اللي قَادر
يِمحي خَالص كُل جَرحي ،،
طَب تِِصدق إن رُوحي وقلبي حَبوا (الشهر دا)
هُوه فِيه في الدُنيا ،أصلاً
حَاجة أجمل من كده ،،
كُل لِحظة وإنتَ جنبي عِشت حَاله مـ الخَيال
إستحَاله أنسي حُضنك ،
وأنسي أيَام الجَمال ،،
نِفسي تِسأل ، يُوم ، وأجَاوبَك
إني أسَعد وَاحْده ، بِيك ،،
نِفسي تِسأل من ورَايا ، ويُقولولَك
رُوحها فِيك ،،
وإنِك الشَخص الوحيد
اللي بَكتب فِيه الكلام ،،
واللي قَلبي ، فـ حُضنه ، طَـفا اَلف لَمبه ،
مـ الألام ..
ياحَبيبي كُل حَاجة فِيك لَقيتها ، مِش عَادية
دِي الحَقيقة ، إنتِ فِعلاً ،
مِنحه جَاتلي فـ يُوم هِديه ..
