كلمات- منى علام:
من ديوان “كلام اخرس”
من بعد فراقك ياحبيبي
غلفت حياتي بأحساسك
ولقيت الدنيا بتضحكلي
وف ثانية الدنيا بقت عتمة
وكأني ف قبر بكتم قهري
من صاحب خان وحبيب باعني
من بعد فراقك مسجونة
زنزانة حديد من غير مفتاح
أنا حتى دموعي بقت تنزل
مش لاقية صحاب أوحته براح
البيت بقى واحدة بتقتلني
والناس ف عيونهم ضرب رصاص
والليل بقى بيتي الوحداني
بحسب في نجوم والدمعة بكام
لخصت حياتي احلم وانام
أنا لسه بفكر في الماضي
كان حب حقيقي مالهوش مثال
وانا حبك موجود في وريدي
بعلنها بصوت وف اي ميدان
أنا فعلا روحي بتندهلك
والقلب حزين بقى كله حطام
أنا يمكن بشتاقلك دايما
يكفيني حنين عايش وياك
الذكرى الكام لك ياحبيبي
أعياد فاتت وكأني معاك
