إبداعات

حكيم روحي

 شعر- محمد التمساح، مصر:

متخافشى من جرحى يا واد

وانت الطبيب

انت حبيب القلب والنيه

انت الحمام الغيه

والمراسيل

وانا طمى الحياه

وانت النيل

ومتربى على حجرى

ياحلم طالل

من عيون فرحى

طبطب على جرحى

ياقطن من غيطى الحنين

والشاش قماش

ناسجاه رموش عينى

والسكر المحلوب

نداه عرق قصبى

تبقاش كده عصبى

عارفاك يا واد

محروق عشان امك

همك عسل دايقاه

وطاب ليا

وحياة أغلى

ما ف قلبك

اللى انا شايفاه

تلم الدمع من خدك

على كفوفى

وتسقينى

 عصير روحك

وانا هاشفى

واقوم من تانى

واتعافى

واناغش فيك

ويضحك

سنك الباسم

على ضحكى.

مقالات ذات صلة

شاهد أيضاً
إغلاق
زر الذهاب إلى الأعلى