شعر- بسمة شعبان:
في الشوارع
ناس عرايا
وناس ضحايا
و ناس بتتمنى الهدوم
في ناس مغطيها الدهب
و ناس مغطيها الهموم
براويز لخلق معلقه توب الشقا فوق الرصيف
في ناس بتاكل بعضها
وناس بتقسم في الرغيف
و الرصيف حضن وغطا
فرض و عطا
و بواقي عالم محبطة
مطرودة من روح الحياة
الرصيف كان طوق نجاة
ومحطة تايهه لانتظار
أو للمراقبة و الهزار
عد الخطاوي و المحن
لمة قرايب في النهار
في الشوارع
ذكريات
عمر فات
عمر جاي
فيها ناس جواها ضي
و ف قلوبهم معجزات
طبطبة وقت السكات
دعوة تملا الكون عياط
دعوة تفنيك و انت حي
