شعر:علاء شلبي شلبي
*****
قررت اكون… أنسان
واشوف الدنيا …من بره
اعاند واكسر…… الاحزان
وامحي الخوف ولو مره
ما انا اللي………. عايش
في الزمن عمال بحايل
عشمان ف فتافيت الامل
من جذع .. ………..مايل
باضحك واداوي اللي انكسر والدمع سايل
اختارت اكون…. ضمن البشر
تاجر….. …. جمايل
من نبض قلبي اللي اندبح
بأعمل …………عزايم ٠
وانزع من المر العسل
وأتن صايم
مستني بيض الشمس
يفقس بالفرح
يمكن شعاع النور يداوي
اللي انجرح
عشقت واحده بحبها
وقولت حالي ها ينصلح
ها تكون نهاية خدمتي
واعيشلي
لو سنتين …. .. .مرح
رفضت رنا رغم الهنا
تجمع ف عمر بينطرح
فصلت فساتين م الألم وعملت م الحرمان طرح
لقيتني تايه وسط كون
مش عارفه فين
وفتح لي شباك الوجع
ع الضلفتين
والهم اصبح كحل ثابت في العنيين
الاه في حلقي………. بس ساكته الشفتين
في بيت ماليه الشك والمجهول
فيه الجميع مهما
افتقر
بيدفع ……….المعلوم
والوحش فينا اما انهزم
رافض يهد السور
لموا الحمام
يسكن في غاب
بنوا للديابه…… قصور
حتي السواقي عندنا خلوها بالمقلوب
بتشد ايام عمرنا
وتضخ في الطنبور
لو حد طبطب قلبنا
تنزل دموع بنور
النخوه فينا كات جبل
بقا كل يوم بيخور
الدنيا بتذل الجدع
وبتنصف المغرور
إعلام ينافق للهوا
وبيفضح المستور
سحبوا التدين مننا
مات الضمير م الجوع
نفسي في مطره من السما
تحدف علينا بخور
نرجع نشوف مره الربيع
مالي الأراضي زهور
ونشوف. بصيص يرجعلنا
من حلمنا المسروق
كنا ننام بعد العشاء
ببجامة الكستور
وكنا فاكرين كلنا
الحلم مش ممنوع
دلوقت اصبح حلمنا
نلقا
لثواني سرور
ندفع في مايه ووصل غاز
يطلع محصل نور
وجنيهنا عام
لما انشكح
اصبح جنيه مسحور
وعيال تمص ف دمنا
والاب مش معذور
عايز يفارق أرضنا
عايز يموت ويغور
وامله بس من الوطن
يلقا الكفن موجود
محتاج
عشان ستر…..الجسد
مترين قماش ..نمور
