إبداعاتالأخبار الثقافية

أموات

شعر – بدوي جمعة:

رَسم الكلام شِباك
طَل السؤال مِنه
والملل حَس بملل
عبا القُلل ميّه
•••
والشعر دوامة
والليل عيال هربانه
من مدرسة
والشمس بتحس بأسي
وساعات تحب الموت
وساعات تخاف مِنه
•••
وعشان من مدة
الشارع صدا
والشجر
أتوضا
إنما مقدرش يصلى الفجر
•••
وعشان الحب مشفش النور
ولا “وفَي” الندر
إنجرح الورد اللى فى قلبي
عشان الأرض مبقتش بتتكلم عربي!
•••
وعلى الطرقات
أموات.
رايحين يدفنوا أموات.
وملايكة لسه بترتعش.
ومفيش صلوات.
وفي أيدي سيجارة
دخنها مبيبطلش عياط!
•••
وعلشان مش شايف غير أشباح.
وعيال مدبوحة، إنما راضية
وعلشان مفضلش،
فى قلبي عبير.
ولا غنوة لثومة.. ولا لشادية،
حاسس أني مقسوم نُصين.
أنا بيني وبين الموت شِبرين.
وكوبيتين بلاستك،
وصينية ومعلقة،
وإزازة مية ساقعة،
وحاجات ع الأرض وَقعة،
وهدوم متعلقة.
وحروف مبقتش أقوي من حبل المشنقة!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق
alanya escort ankara escort izmir escort iskenderun escort bayan iskenderun escort bayan alanya rus escort