إبداعات

عدوده.. للفجر اللى جاى

شعر- عبد اللطيف مبارك، مصر:

سرسبت من قلبي الوجع
وطويت جروحي تنزفك
شوّهت من اسمي الحروف
وبقيت على اسمك .. صدى
يا هلترى
لما الدموع نزفت على فجر الرحيل
كان قلبي شرقان للدفا

و كام حلمت إني التقيك
لكن نهار الخلق ييجى يموتك
ويبعتر الصوره
اللي فاردها اشتياق
بمحبك
صوتي اندبح
من قولك الحكمه اللي تاهت
جوه منى تنشدك

ريق السواقي م فوق غيطان القلب
نازل يرسمك
حاطط على شرياني
من كمك حرف
ويضمك الحالم
على دراعك لا زال
دمك بيجرى
جوّه منّه يكمله
و لا كنت بأشعر معنى خوف
أو ليل بضلمه
يعدى من جنب الكتوف
ولا عمري أشوف
عفاريت سكاتى بتلهبك
عدوده .. للفجر اللي جاى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق