إبداعات

بحسك انت من دمي

بقلم_ عزه أحمد أبو زيد:
  
بحب الشط لو دافئ
وأحب الموج ف ساعة الهوج
وأحب الليل قمر صافى
وأنده وانتى ولا سامعه
وبمسح م العيون دمعه
بحب البحر من برا
واخاف اغرق بنظرتي ليه
ومهما يقولو أنا حره
وساكنه جوه ننى عنيه
واخاف لياخدنى مره التيه
وأتمتع بألوانه وأخبى
روحى ف أحضانه
ف ساعة الصبح
وطعم الملح
وأقول كام مره
تهمونى انى انا عشقاه
والفين أه على حبه وعلى
قربه وعلى عشقه
دى أحلى حياه
وأحكيله عن احوالى
وانا لسه ف عز النوم
تكون الموجه سحرالى
وقلبى خلاص مهوش خالى
بيعشق كل يوم أكتر
وعمر البحر ما يعكر
حياه حلوه
سمعت معاك انا غنوه
وغنيتها لاحلى حبيب
ياليل ما تغيب كفايه بعاد
كفايه العمر بيعدى
تعالى هناك قلبى خلاص
بيستناك
تشيل من قلبنا التجاعيد
ونمشى بعيد
وطيب قلبى انا المهموم
وهاتلى الحب ساعة النوم
يواسيني من التفكير
فى حب كبير وليل طارح
هوى وأشواق ياليل
سلملى عل العشاق
وهاتلى العمر من تانى
ينورلى قناديلي وتتمشي
نجوم الليل ف ساعة سيل
عيونه ساحرة وشقيه
وهات عل الشط شمسيه
تكحل رمشي وعنيه
وتتداري ف بير مسحور
وانا ف الأصل جنيه
اسيرة ف بحرك المأثور
مع اني انا منك وعاشيه
جوه فى قلبك
بحسك انت من دمي
كتير تشبهه لطير مشتاق
وقلب حنين وبيسمى
فى ساعة الدبح
بشوف جواك دفى أمى
بتخطفنى من ألأشواق
أمانه يا بحر ما تبعنيش
وخلي السر جوه البير
لان القلب لسه أسير
هيا دنيا مغربانى
ولما قلت ف يوم بحبك
قلبى قال اسمعها تانى
عشقى اصله اسكندراني
وأنت ساكن جوه روحى
وف كيانى يا حبيبى
يا زمانى من طموحك
أه ياروحك من سكوتك
من كلامك من جنونك
تهت انا وتاهت دموعى
وأبتديت من تانى أسأل
هو أنا عشقتنى روحك

مقالات ذات صلة

شاهد أيضاً
إغلاق
زر الذهاب إلى الأعلى