إبداعات

امك ثم امك

الشاعر- محمود الونش:

امك ثم امك ثم امك

اجمل وصيه النبى وصاها

الام نعمة ما تتعوضش فاكسب رضاها

فى حاجات فى الدنيا زى العمر مرة

 لو فاتك مستحيل ترجع

 وصعب تانى تلقاها

امك صانتك فى تربيتها

واديتك من صحتها ومن عافيتها

فلو كبرت خليك انت راحتها

خليك انت السند ليها

عينها لو ضعفت

خليك العين اللى تشوف بيها

ورجلها على الارض وكفتها ..

واوعى تنساها .. وتاخدك الايام

فى ناس كتير الدنيا سرقاها

كل همومك بدعوة منها تزول

وتفتحلك الف باب وباب مقفول

اجمل مكسب ع الدنيا

بعد رضا الرحمن رضا امك

فاكسب رضاها

وصدقنى لو عشت عمرك كله ليها

مهتكنش حقها وفيت

اسال صاحبك يقلك

شكل الايام والدنيا والبيت

بعد امه وفرقتها

..

يقلك يا صاحبى

والله راحت وخدت البركة وياها

وفاتتنى فى ضلمة ومتاها

صعبان عليه انى زمان

كنت عنها بتلاهى

بشغل وزحمة صحاب

وهى الوحدة قاتلاها

لو كنت زمان نسيتها شويه

والله من يوم ما راحت ولا لحظة بنساها

..

امك ثم امك ثم امك

هى اجمل وصية النبى وصاها

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق