إبداعاتالأخبار الثقافية

عشمانة

شعر –سوسن رمضان:

فالحب ايه بعد اللقا
وحلاوة البدايات..
وقلوب تطير ومصدقه
وبتتولد حكايات
ف الحب ايه غير الشجن
وحنين ف صورة ذكريات ..
الحب هو القصه والموضوع
حيره وغيره.. ارواح أسيره
تفاصيل كتيره ما بين سفر ورجوع ..
وكل شيئ في الحب جايز.. ومحتمل
ف الحب بنوتة بفستان م الأمل
يعاكسها البحر أما بيضحك
وبيرفع بالهوي أحلامها..
علي اد ماتتخض بتضحك
ببراءه وتحضن أيامها..
والكعب العالي يدق يدق..
مع القلب الفرحان
وخدودها بتضوي حمار مكسوف
لما عيونه بتخطف بوسة
من بعد اذن اديتهوله
شفايفها برعشة لهفه وشوق
والحب أما بيفرد طوله
بيعدي ويكسر مليون طوق ..
ابو مين ده يا ناس اللي مادابشي
قدام الورد اما يفتح
او مات غرقان من لمسة ايد
طب مين وحداني ومحلمشي
تبعتله السما مره هديه
ضي لقلبه بيطرح عناقيد ..
كام فرد حمام مستني وليف ؟
علي كل رصيف كام مليون طيف
للحلم المتكتف صوته او كان مخنوق
عايش علي امل ان الدنيا تضحك وتروق
لكن هو الحب كده …
ف بدايته شروق
ونهايته تكون ..
الله اعلم ..
وأنا عشمانه ومن حقى احلم …

الوسوم

مقالات ذات صلة

إغلاق