شعر:مصباح المهدي
- 1
تحبي أقول لك القصة
ابتدت إمتى؟
تحبي أقول لك الإحساس دا
جاني منين؟
فيه يوم واحد من المجانين
قعد قدام دماغ أتقل من العالم
وروح في وزن ياسمينة
وصفصافة
لا زادت سنتي عن توبها
ولا صغرت على الفستان
وكف ملاك جناحينه
ملوا العالم بعطر الفل
تحبي أقول لك الربكة ابتدت إمتى؟
أكيد لما التقا ضدان بلا موعد
ملاك عنده الكلام بحساب
وجن بوهيمي عنده الضحكة
بالقنطار
وتنهيدته تهد جدار
ولما يحب يوم يزعل
فدا الإعصار
ملاكي أد ماباحبك
باخاف مني على قلبك
*******
2
باحبك قولي ف النشرة
وقولي لمعظم الجرانين
باحبك مش كلام مجانين
باحبك م الألف للياء
حنين غرقان ف حضن حنين
باحبك أيوه وحاحبك
وعندي خمسميت داعي
وألف وخمسميت علة
لأنك ثم ولأنك
بتمشي فوق جبل صوان
يطلع ماء
وتطلع لي من الأسماء
حروفك اسمك يشعشع نور
بوجداني
كأني نبت نوراني
خرج من طين حمأ مسنون
باحبك ٱية أخرى
تفسر يعني إيه عايش
باحبك ضحكة بتكسر
جليد فارش بدربي الخوف
ماتسألنيش إجاباتي
بقت محتاجة كتالوجات
وفهرس حصر للي اتشال
من العبارات
باحبك كملي الباقي
وخلي الباقي يتفسر
بلمسة إيد
*******
3
أنا وعينيكي والدنيا
اللي راسمينها بلا ضوضاء
بنسبح زي ماتكون
ابتسامتك ماء
ونسكر زي مايكون
النفس فودكا
فلاهم كدروا الرايق
ولاهم صبوا زيت ع النار
باحبك معنى هذا الحب
إني بخير
******
4
بأقلّب دفتر الأسماء
طلع اسمك شعاع من نور
(كمشكاة بها مصباح
والمصباح في قنينة بللور)
أنا محتاج لنحو جديد\
ل صرف جديد
لشعر أقوله يتكسّر
على بعضة
ويتجمّعْ كأيقونة
لإحدى مخلوقات النور
******
5ماهيش كيمياقولي لي باحبَّك العالميبان أجمل
خديني في حضنك الجنَّة
في شبرينك
وضحكة عينك البلسم
لأيِّ جراح.
