إبداعات

برواز لصورة مؤلمه

شعر : عبداللطيف مبارك. مصر

يوم بدرت الاحزان

جوّه القلوب كانت

حباتها خوف .. صاحى

يكنز حقيقة رعبها

ويلفها…

توب السكوت

يوم بدرت الاحزان

كان…

شاهد أخيرعلى قبر

عنوان..

بموت إنسان

* * *

صمتك ملوش صوره

بلا ملامح تترسم

او شكل..اوعنوان

رضيت تموت مجهول

رغم إنك إنت ف الخفا

كنت العلن

رغم إن قلبك فى البريء

ساع ..وطن

رغم أن عمرك كان لحق

وكان

تمن

* * *

رضيت تموت مجهول

زى ضىّ المجد ..لما ينطفى

زى ومضة روح..بتيجى

وتختفى

زى حلم جميل

رضيت تموت مجهول

* * *

البيوت فارقت خطاها

البيبان سانده على جدارن

بكاها

والشوارع دبلت

جالها ليل مزمن على هيئة سفر

معشقش نجمه مزهزهة

ولا صار غناوية القمر

يحكى ف أخر نبضة قلبك

حسها

وبإسمها

كان يعلن الترحال

* * *

الوشوش مرت كحلم

طبعت ملامحها بدم

فوق لوحة تعتب ع العيون

إللى بتشهد نحرها

وف سرها

مكنتش هيه الملهمة

برواز لصورة مؤلمه

مقالات ذات صلة

شاهد أيضاً

إغلاق
إغلاق