إبداعات
البوم الذكريات
![](https://adab-news.com/wp-content/uploads/2020/10/121514692_977475232773396_1879262180664682694_n-683x405.jpg)
كلمات- زينب سالم:
يوم ما مسكت ألبوم الصور
قلبي انخطف دقاته قالت
غيوم ضلمت و هموم السهر
عقلي سألني هفواته مالت
ليه سكن جوايا الكلام
ليه عقلي انشغل و قام
جوايا مشاعر ما تنام
حتى الفكر جوايا هام
ما انكرش مش عايزه اشوفه
ما نزلش من قلبي رغم خوفه
مسكت بصوابعي صورة و كأني
فتحت تاني الماضي و جوفه
عيوني شافت من تاني عيونه
خيوط بتبدأ تشد حكاوي ظنونه
صور بتحكي و ذكريات بتوجعني
ماضي و دموع بيفكرني بجنونه
ليه ما رميت كل الذكريات
ألبوم شايل جواه كل اللي فات
لازم اعرف ان الماضي مات
لازم أمسح بإيدي كل الحكايات