شعر:سارة زياده
****
انا كنت فين لما الهوى فرد دراعه وضمني.
مش حاسه انا غير روحي تايهه ومش هنا
ولا عارفه حتى تهت ليه
او تهت فين
من بين قوسين
الكون مرايه مغبشه
وانا شايفه فيها ملامحي طيف
مديت كفوفي احسها ضِحكت اوي
رَسمت حدود بيني وبينها من فولاذ
بقليب ازار جدران حيطانه مشققه
متلصمه
خايفه ان حد يمسها
مانيكان دهب يلمع ف عين الكل
لكن ملوش ف الكون صدى
ولا فيه حياه
معقول دي انا؟
اياكو حد يقولي اه
انا مش كدا
انا مش حجر
معدومه فيه كل المشاعر والصفات المتركه
ولا لوح خشب ١٠٠ الف مسمار ينهشوه
وفوقيها مليون مطرقه
اسكت بقا متعيدش وتزيد في الكلام
محتاج تحس انك سعيد
محتاج كتير للفضفضه
جرحك قضا والكون غبي
مفهمش حالتي ومطلبي
مفهمش اني تعبت من كتر الدموع
ومن الضياع
مفهمش اني مسلمه لله اوووي
و المستحيل لو يوم يميل
مش راح تميل الخطوه وارجع انطفي
او احن له
اتشد له وإتداري فيه
انا تاييه جدا مني لكن ربي قادر انه ليا يردني
يقدر يبدل ضلمتي بركان حياه
