إبداعات

على الهامش

شعر- سوسن رمضان:
خلاص مليت
مانيش قادرة علي الحبسة
ف مرارة قمقم الايام 
ولا عارفة اعيش مكسورة الخاطر
علي الهامش 
وانا واحلامي خِلف خلاف
وبنعاني فى زمن طايش 
ما بين الهم والوحدة
ومر الصبر ع الاحزان 
وكل ما اقول خلاص هانت
وترسى مركبي علي بر 
بتتكسر قلوع الحلم من تاني
وتغرق فرحتي بالأمر 
بأمر عيون عشقناها لابعد حد
بأمر قلوب عشمنا فيها فاق الحد
بأمر الدنيا بتعزز قليل الاصل وتعليه
وجرح سنين بينزف آه 
ما يلقي روح بطيبة تحن
ولا يلقي قدر يداويه 
ف مش فارقة خلاص 
نبكي ولا نشكي وجعتي لحد
انا فوضت رب الكون يفّرجها
ويعدل ميلة الايام 
لعل اليوم يكون قرب
وبعد التوهه والغربة
الاقي فرحتي ف لقاه 

مقالات ذات صلة

شاهد أيضاً

إغلاق
إغلاق