كلمات- عبد اللطيف مبارك:
العيون شايله الزمن
لوشوش كتير
الايدين لمسه الالم
ودموع فقير
سماعه تسمع اهه من قلب الحياه
وجع بينده ع اللى جاى فين منتهاه
سمعنى ياضحكة رضاه
ربك كبير
زاهد لربى .. محرابى النجاه
لقمتى بانساها بين دعوة صلاه
هدمتى رافضه الغنا أو حتى جاه
قلبى البصير
دواك هنا ترياق محنه
حسابه حسبة روح ف جنه
بدعوه منك قلبى حنه
شقشق النور والضمير
مشالى أسمى ومشالى همك
انا مصر يابنى سكناك ف دمك
انا القريب سره ف دواك
لو كان عسير
