بقلم- دينا لطفي:
وبَشِمة في رِيحه الخُضره الصُبح،
وبَشوفه هِناك علي خَد الوَرد
وأتمني وِصَاله ،، وبَشتاق له
أول ما بِيلسَع قلبي البَرد ،،
بَفتكرُه وبَرجع لرسايلة ،
وأمَشي عُيوني في صِدر الشَات
وأتذكر – صَباحاته – الحِلوه
والخير ، والصُحبه والكِتابات ،،
– 16 يوم – م العِشق الخام
وحنين متحني ، أساسا دَفّء
وغرام ، من أول قَطفه إتقال
وكلام ماليان بالخِير والوِفِق ،،
وحاجات لَمستني بكل هِدوء ،،
رصَصْها في قلبي وأتوصا
أنا فاكره اليوم اللي قابلته
أنا فاكره اللمْسه والبَصه ،،
ولحد الوقتي ، مانيش قادره
أتجرأ حتي وأقول ناسياه
أنا ناسية العالم والدُنيا ،،
لكن مِش ناسية الماضي معاه..
ولذلك دائما بفتكره ،
ومَازلت بَحبه ، بشكل مُخيف
وبحب التَمر مع القَهوه ،
وباحب القَعدة
في وسِط الريف ..
