شعر- هناء ممدوح:
بتحضن قلب مش حاسك
وتبعد عن قلوب حساك
وفاكر إنه يوم هايحس
وهايقولك أنا بهواك
ياريت تفهم قلوب الناس
وما تحسش أوي بيهم
عشان قلبك دا زي الماس
مكانه مش ف وسطيهم
بلاش تجرح ف إحساسك
وترضى تعيش مع الذكرى
تحاول تفتكر ماضي
لا بد تشيله من بكرة
وتزعل ليه وتتضايق
وتحضن ف الدموع روحك
أنا عاوزاك تكون فايق
بلاش ترقص على نوحك
وتشكى حزن مش فارق
لناس فاطرة على جروحك
تكمل حلم ليك غارق
ف بحر عذاب طوى روحك
مسير قلبك يبات مرتاح
وترجع ضحكة منسية
وضي الفرحة كل صباح
يشيل أحزان معدية
